میرے غم کی کہانی سنا کر گیا
ehdemuhabbat 
میرے غم کی کہانی سنا کر گیا
ساری محفل کو ظالم رلا کر گیا
شاخِ گْل کو مگر یاد کیا آ ئے گا
اک پرندہ جو خوں میں نہا کر گیا
میں نہ مجنوں نہ مجذوبِ خانہ خراب
عشق بیٹھے بٹھائے یہ کیا کر گا
کون آیا تھا میرے خیالوں میں شب
گُل محبت کے دل میں کِھلا کر گیا
میری نیندیں چرا کر نہ جانے کہاں
میرے سینے میں طوفاں اٹھا کر گیا
زندگی چار دن کی ملی تھی اُسے
چار ہی دن میں فتنہ بپا کر گیا
دیکھ لو یہ جنازہ وہی تو نہیں
ہاتھ جاتے ہوئے جو ہلا کر گیا
شام آئی تو میرا ہی سایہ سلام
مختصر میرے قد کو بنا کر گیا
