گھٹائیں گھرتی ہیں بجلی کڑک کے گرتی ہے

ehdemuhabbat ehdemuhabbat
Oct 19, 2020 - 02:19
1024 0
گھٹائیں گھرتی ہیں بجلی کڑک کے گرتی ہے

گھٹائیں گھرتی ہیں بجلی کڑک کے گرتی ہے

یہ کس کی پیاس ہے جو بے قرار پھرتی ہے

عجیب خوف کی بستی ہے یہ دیا ہی نہیں

ہوا بھی خواہش دل کو چھپائے پھرتی ہے

نظر نہ پھیر ندامت کو سیر ہونے دے

یہ بدلی دل میں کہاں روز روز گھرتی ہے

سمیٹ لیتی ہے ہر شے کو اپنے پیکر میں

شبیہ کس کی ہے جو پتلیوں میں پھرتی ہے

حویلی چھوڑنے کا وقت آ گیا ارشدؔ

ستوں لرزتے ہیں اور چھت کی مٹی گرتی ہے